地獄停車場

停車場設計冇王管，有網民選出全港最難泊車的三大地獄停車場，包括油麻地德興街寶來大廈、長沙灣美居中心地庫和西環均益三期。《蘋果》與擁38年經驗的駕駛專家實地測試，發現三個車場又黑又窄，連專家「挑機」時亦老貓燒鬚，不慎碰花車頭。專家最終選出寶來大廈為地獄停車場之首，泊車難度近乎爆燈，建議新牌司機勿入。

---

條碼機 | TEC | ZEBRA | CAB | TSC | GODEX | POS | 條碼掃描器 | 標籤貼紙 | 碳帶 | 標籤機 | 布標機 |條碼印刷 |

---

香港汽車會副會長江日雄日前駕駛雷諾Megane RS跑車，陪記者到油麻地德興街寶來大廈的四層高停車場、挑機過四關泊車，其座駕長4.3米，闊1.8米。第一難關是在入口穿過一條僅闊兩米半的黑暗通道，車身幾乎貼實牆身，江師傅形容好險；第二難關是要駛上30度斜、僅2.7米闊的小路，江最終要扭兩手軚兼慢駛才成功走過，「如果直接上去，就算頭轆過到，尾轆都可能上唔到，隨時翻車！」第三關是在4樓離開時要先經過一個S形彎；第四關是最難一關，在1樓的T字形出口，該處僅2.5米闊，牆壁滿佈汽車撞花的痕迹，江要三手軚才成功「逃脫」。他指若以10分為最難，此車場泊車難度達9.5分，即近爆燈。

為泊騎呢位買smart car
車場女保安員直言見過不少靚車刮花：「好多人叫呢度做黑洞，佢哋明知難泊都入嚟，撞花之後投訴都冇用啦！車主冇話出唔番去㗎，最多架車花咗之嘛。」她指會主動教有困難的司機如何駛離現場。自言駕駛技術差的大廈住客黃太，因貪該處時租僅14元較附近平一半，故索性買入兩座位窄身smart car，方便泊車。
記者再隨江日雄到長沙灣美居中心地庫停車場測試，他形容該處柱位多、兩柱間泊車位僅闊2.3米，加上只得單程行車路，僅2.9米闊，同樣不易泊車，他偷位時更不小心輕微撞花車頭，他指上址泊車難度為9分。至於西環均益三期地庫停車場難度，則被評為8分。該處燈光暗，車場貼滿警告字句提醒要慢駛免撞車，不少柱更鋪有海綿防撞，但部份泊車位畸形，包括要打斜駛入，又或車位長度不足令車頭凸出，容易被撞。雖然三停車場均難泊車，但時租僅12至14元，故客源不絕，江日雄指若有經驗駕駛者要到上址泊車，謹記慢駛和開車頭燈睇位，保持冷靜應可應付。

三大地獄停車場檔案
【佐敦】
地點：德興街寶來大廈
時租：14元
難度：9.5分
專家評語：1樓出口通道僅2.5米闊，難轉彎；離開4樓時要經過S形彎容易失手，燈光亦太暗。



【長沙灣】
地點：美居中心地庫
時租：12元
難度：9分
專家評語：柱多，車位細僅2.3米闊，車道不足3米闊，泊車困難。



【西環】
地點：均益三期地庫
時租：14元
難度：8分
專家評語：柱多兼車位窄，部份畸形車位更要打斜駛入。



註：難度10分為最難泊車；評語由駕駛專家江日雄提供


車主心聲
住客黎先生說：「呢度有一半車位都好窄，七人車完全泊唔入，我初時試過用半個鐘先泊到，之後日日泊，訓練咗個幾星期先開始熟。」